Мурдаш Башынын чийимташтары Мурдаш айылынан болжол менен 40 км батыш тарапта жана Үч-Дөбө айылынан 20 км түндүк тарапта деңиз деңгээлинен болжол менен 3900 м бийиктикте жайгашкан. Окумуштуулар Мурдаш Башыдагы сүрөттөрдү коло жана эрте темир дооруна таандык кылышат. Алар ар кандай жаныбарларды, анын ичинде экзотикалык жаныбарларды, ошондой эле сырдуу белгилерди чагылдырат. Сүрөттөрдүн көбү базальттын бетине чегилген. Чийимташтар негизинен Туюк-Суу кырка тоосундагы бир нече булактардан башталган Чал-Куйрук дарыясынын өрөөнүнүн чыгыш тарабындагы Көл (Көк-Көл) көлүнүн жанында жайгашкан. Мурдаш Башы жана анын чийимташтары жөнүндөгү маалыматтар илимий чөйрөдө чектелүү. Бул аймакта аска сүрөтү бар таштардын жалпы саны белгисиз.

Мурдаш Башы чийимташтары салт боюнча ата-бабалар урпактарына флора жана фаунанын көп түрдүүлүгү, адамдын жашоосу жана ишмердүүлүгү тууралуу маалыматтарды өткөрүп келген жер. Мурдаш Башынын таштарында дүйнөлүк сел учурунда биоартүрдүүлүктү кантип сактап калгандыгы тууралуу маалыматтар бар. Мурдаш Башанын сүрөттөрү бул аймакта эч качан жашабаган экзотикалык жаныбарларды чагылдырып, алар бүт планетанын жаныбарлар дүйнөсү жөнүндө маалымат бергендигин айгинелейт.